ਆਉਣ ਵਾਲੀ ਪੋਲੀਵੁੱਡ ਫਿਲਮ ‘ਮੌੜ’ ਦਾ ਟ੍ਰੇਲਰ ਹਾਲ ਹੀ ‘ਚ ਰਿਦਮ ਬੁਆਏਜ਼ ਦੇ ਅਧਿਕਾਰਤ ਯੂ-ਟਿਊਬ ਚੈਨਲ ‘ਤੇ ਰਿਲੀਜ਼ ਹੋਇਆ ਹੈ। ਟ੍ਰੇਲਰ ਨੂੰ 15 ਘੰਟਿਆਂ ਵਿੱਚ 15 ਲੱਖ ਵਿਊਜ਼ ਮਿਲ ਚੁੱਕੇ ਹਨ। ਫਿਲਮ ਦੀ ਕਹਾਣੀ ਜੀਓਣਾ ਮੌੜ ਅਤੇ ਉਸਦੇ ਪਰਿਵਾਰ ‘ਤੇ ਆਧਾਰਿਤ ਹੈ, ਜਿਸ ਨੂੰ ਜਤਿੰਦਰ ਮੌਹਰ ਨੇ ਚੰਗੀ ਰਿਸਰਚ ਦੇ ਬਾਅਦ ਲਿਖਿਆ ਹੈ।
ਟ੍ਰੇਲਰ ਨੂੰ ਦੇਖਦੇ ਹੋਏ, ਅਸੀਂ ਸਟਾਰਕਾਸਟ ਦੁਆਰਾ ਨਿਭਾਏ ਗਏ ਕਿਰਦਾਰਾਂ ਬਾਰੇ ਅੰਦਾਜ਼ਾ ਲਗਾ ਸਕਦੇ ਹਾਂ। ਇਸ ਫਿਲਮ ਵਿੱਚ ਐਮੀ ਵਿਰਕ ਜਿਓਣੇ ਦਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਣਗੇ ਅਤੇ ਦੇਵ ਖਰੌੜ ਕਿਸ਼ਨਾ ਮੌੜ (ਜਿਓਣਾ ਮੌੜ ਦੇ ਭਰਾ) ਦੇ ਕਿਰਦਾਰ ਵਿੱਚ ਨਜ਼ਰ ਆਉਣਗੇ। ਅਸੀਂ ਹੋਰ ਸਟਾਰਕਾਸਟ ਦੀ ਝਲਕ ਵੀ ਦੇਖ ਸਕਦੇ ਹਾਂ ਜਿਵੇਂ ਕਿ ਨਾਇਕਰਾ ਕੌਰ, ਰਿਚਾ ਭੱਟ, ਵਿਕਰਮ ਵਿਰਕ, ਅਮੀਕ ਵਿਰਕ, ਮਾਰਕ ਰੰਧਾਵਾ, ਕੁਲਜਿੰਦਰ ਸਿੱਧੂ, ਜਰਨੈਲ ਸਿੰਘ ਅਤੇ ਪਰਮਵੀਰ ਸਿੰਘ ਅਤੇ ਹੋਰ।
ਟਰੇਲਰ ਨੂੰ ਦੇਖ ਕੇ ਅਸੀਂ ਵੱਡੇ ਬਜਟ ਅਤੇ ਫਿਲਮ ਬਣਾਉਣ ਲਈ ਲੋੜੀਂਦੇ ਯਤਨਾਂ ਬਾਰੇ ਵਿਚਾਰ ਕਰ ਸਕਦੇ ਹਾਂ। ਅਸੀਂ ਉਸ ਯੁੱਗ ਦੇ ਸਥਾਨਾਂ ਅਤੇ ਪਹਿਰਾਵੇ ਨੂੰ ਵੀ ਦੇਖ ਸਕਦੇ ਹਾਂ। ਟ੍ਰੇਲਰ ਲੂਹ ਕੰਢੇ ਖੜੇ ਕਰ ਦਿੰਦਾ ਹੈ ਅਤੇ ਸਾਨੂੰ ਫਿਲਮ ਦੇਖਣ ਲਈ ਉਤਸ਼ਾਹਿਤ ਵੀ ਕਰਦਾ ਹੈ।
ਇਸ ਤੋਂ ਇਲਾਵਾ ਦੱਸ ਦਈਏ ਕਿ ਫਿਲਮ ਨੂੰ ਜਤਿੰਦਰ ਮੌਹਰ ਨੇ ਡਾਇਰੈਕਟ ਕੀਤਾ ਹੈ। ਇਸ ਤੋਂ ਇਲਾਵਾ ‘ਮੌੜ’ ਨੂੰ ਜਤਿਨ ਸੇਠੀ ਅਤੇ ਕਾਰਜ ਗਿੱਲ ਦੁਆਰਾ ਬੈਂਕਰੋਲ ਕੀਤਾ ਗਿਆ ਹੈ। ਪੇਸ਼ਕਾਰੀ ਦੀ ਗੱਲ ਕਰੀਏ ਤਾਂ ਇਹ ਫਿਲਮ ਨਾਦ ਐਸ ਸਟੂਡੀਓਜ਼ ਅਤੇ ਰਿਦਮ ਬੁਆਏਜ਼ ਦੁਆਰਾ ਪੇਸ਼ ਕੀਤੀ ਗਈ ਹੈ। ਫ਼ਿਲਮ ਦੇ ਸੰਗੀਤ ਦਾ ਸਿਹਰਾ ਬੰਟੀ ਬੈਂਸ ਨੂੰ ਜਾਂਦਾ ਹੈ। ਮੌੜ 9 ਜੂਨ 2023 ਨੂੰ ਸਿਨੇਮਾਘਰਾਂ ਵਿੱਚ ਆਉਣ ਜਾ ਰਹੀ ਹੈ…