ਇਹ ਪਹਿਲੀ ਵਾਰ ਹੈ ਕਿ ਪੰਜਾਬੀ ਸਿਨੇਮਾ ਦੇ ਇਤਿਹਾਸ ਦਾ ਹਿੱਸਾ ਬਣਨ ਵਾਲੀ ਆਲ-ਟਾਈਮ ਮਿਊਜ਼ਿਕ ਆਧਾਰਿਤ ਫਿਲਮ “ਪਰਿੰਦਾ ਪਾਰ ਗਿਆ” ਹੋਵੇਗੀ। ਜਿਸ ਵਿੱਚ ਦਰਸ਼ਕ ਗੁਰਨਾਮ ਭੁੱਲਰ ਅਤੇ ਰੂਪੀ ਗਿੱਲ ਨੂੰ ਇੱਕ ਜੋੜੀ ਦੇ ਰੂਪ ਵਿੱਚ ਦੇਖਣਗੇ। ਦਰਸ਼ਕਾਂ ਦਾ ਉਤਸ਼ਾਹ ਸਿਖਰਾਂ ‘ਤੇ ਹੈ ਕਿਉਂਕਿ ਫਿਲਮ ਨਿਰਮਾਤਾਵਾਂ ਨੇ ਫਿਲਮ ਦਾ ਦੂਜਾ ਗੀਤ ‘ਇਜਾਜ਼ਤ’ ਰਿਲੀਜ਼ ਕੀਤਾ ਹੈ, ਜਿਸ ਦੀ ਵੀਡੀਓ ‘ਚ ਦੋਵਾਂ ਵਿਚਾਲੇ ਡੂੰਘੇ ਭਾਵੁਕ ਪਿਆਰ ਨੂੰ ਦੇਖਿਆ ਜਾ ਸਕਦਾ ਹੈ।
ਗੁਰਨਾਮ ਭੁੱਲਰ ਜਿੱਥੇ ਕੁੜੀਆਂ ਦੇ ਦਿਲਕਾਂ ਦੀ ਧੜਕਣ ਹੈ, ਉੱਥੇ ਹੀ ਰੂਪੀ ਗਿੱਲ ਵੀ ਆਪਣੀ ਖੂਬਸੂਰਤੀ ਅਤੇ ਅਦਾਕਾਰੀ ਦੇ ਮਾਮਲੇ ਵਿੱਚ ਕਿਸੇ ਤੋਂ ਘੱਟ ਨਹੀਂ ਹੈ। ਇਸ ਗੀਤ ਰਾਹੀਂ ਗੁਰਨਾਮ ਭੁੱਲਰ ਨੇ ਇਕ ਵਾਰ ਫਿਰ ਦੁਨੀਆ ਭਰ ਦੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਹੈ। ਇਹ ਗੀਤ ਸੰਗੀਤ ਅਤੇ ਭਾਵਨਾਵਾਂ ਦਾ ਖੂਬਸੂਰਤ ਸੁਮੇਲ ਹੈ। ਇਸ ਗੀਤ ਦੇ ਬੋਲ ਪਿਆਰ ਦੇ ਤੱਤ ਨੂੰ ਬਿਆਨ ਕਰਦੇ ਹਨ।
ਗੁਰਨਾਮ ਭੁੱਲਰ ਅਤੇ ਰੂਪੀ ਗਿੱਲ ਦੀ ਰੋਮਾਂਟਿਕ ਕੈਮਿਸਟਰੀ ਹਰ ਫਰੇਮ ਵਿੱਚ ਸਾਫ਼ ਨਜ਼ਰ ਆਉਂਦੀ ਹੈ ਜੋ ਗੀਤ ਨੂੰ ਹੋਰ ਵੀ ਪ੍ਰਭਾਵਸ਼ਾਲੀ ਬਣਾਉਂਦੀ ਹੈ। ਇਸ ਜੋੜੀ ਨੇ ਜਜ਼ਬਾਤਾਂ ਨੂੰ ਖੂਬਸੂਰਤੀ ਨਾਲ ਪੇਸ਼ ਕੀਤਾ ਹੈ ਜਿਸ ਨਾਲ ਦਰਸ਼ਕਾਂ ਨੂੰ ਇਸ ਸੰਗੀਤਕ ਪ੍ਰੇਮ ਯਾਤਰਾ ਦੀ ਹਰ ਬੀਟ ਮਹਿਸੂਸ ਹੁੰਦੀ ਹੈ।
ਸ਼ਿਤਿਜ ਚੌਧਰੀ ਦੁਆਰਾ ਨਿਰਦੇਸ਼ਤ ਆਗਾਮੀ ਫਿਲਮ “ਪਰਿੰਦਾ ਪਾਰ ਗਿਆ” ਇੱਕ ਨੌਜਵਾਨ ਕਲਾਕਾਰ ਦੇ ਆਪਣੇ ਸੁਪਨਿਆਂ ਨੂੰ ਪ੍ਰਾਪਤ ਕਰਨ ਦੇ ਸਫ਼ਰ ਦੀ ਦਿਲ ਨੂੰ ਛੂਹ ਲੈਣ ਵਾਲੀ ਕਹਾਣੀ ਹੈ। RRG ਮੋਸ਼ਨ ਪਿਕਚਰਜ਼ ਦੇ ਸਹਿਯੋਗ ਨਾਲ GS ਗੋਗਾ ਪ੍ਰੋਡਕਸ਼ਨ ਦੇ ਬੈਨਰ ਹੇਠ ਪੇਸ਼ ਕੀਤੀ ਗਈ ਇਸ ਫਿਲਮ ਨੂੰ ਗੁਰਪ੍ਰੀਤ ਸਿੰਘ ਗੋਗਾ, ਰਵੀ ਢਿੱਲੋਂ, ਜਗਦੀਪ ਰਹਿਲ ਅਤੇ ਜਸਵਿੰਦਰ ਤੂਰ ਦੁਆਰਾ ਪ੍ਰੋਡਿਊਸ ਕੀਤਾ ਗਿਆ ਹੈ। ਫਿਲਮ ਨੂੰ ਵ੍ਹਾਈਟਹਿੱਲ ਸਟੂਡੀਓਜ਼ ਦੁਆਰਾ ਦੁਨੀਆ ਭਰ ਵਿੱਚ ਰਿਲੀਜ਼ ਕੀਤਾ ਜਾਵੇਗਾ।
“ਪਰਿੰਦਾ ਪਾਰ ਗਿਆ” 24 ਨਵੰਬਰ 2023 ਨੂੰ ਸਕ੍ਰੀਨਜ਼ ‘ਤੇ ਰਿਲੀਜ਼ ਹੋਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।
