ਹਾਲ ਹੀ ਦੇ ਦਿਨਾਂ ਵਿੱਚ ਜਦੋਂ ਅਸੀਂ ਅਦਾਕਾਰ ਅਮਨ ਧਾਲੀਵਾਲ ਉੱਤੇ ਹੋਏ ਹਮਲੇ ਬਾਰੇ ਸੁਣਿਆ ਤਾਂ ਅਸੀਂ ਸਾਰੇ ਹੈਰਾਨ ਰਹਿ ਗਏ। ਇਸ ਹਮਲੇ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋਈ ਪਰ ਹਾਲ ਹੀ ਵਿੱਚ, ਅਭਿਨੇਤਾ ਅਮਨ ਧਾਲੀਵਾਲ ਨੇ ਆਪਣੀ ਤਾਜ਼ਾ ਇੰਟਰਵਿਊ ਵਿੱਚ ਹਮਲੇ ਬਾਰੇ ਗੱਲ ਕੀਤੀ, ਉਸਨੇ ਖੁਲਾਸਾ ਕੀਤਾ ਕਿ ਉਹ ਸੰਭਵ ਤੌਰ ‘ਤੇ ਇੱਕ ਪੰਜਾਬੀ ਨਫ਼ਰਤੀ ਅਪਰਾਧ ਦਾ ਸ਼ਿਕਾਰ ਹੋ ਸਕਦਾ ਸੀ ।
ਇਸ ਤੋਂ ਇਲਾਵਾ ਦੱਸ ਦਈਏ ਕਿ ਅਦਾਕਾਰ ਅਮਨ ਧਾਲੀਵਾਲ ਤੇ ਲਾਸ ਏਂਜਲਸ ਦੇ ਇੱਕ ਜਿਮ ਵਿੱਚ ਹਮਲਾ ਕੀਤਾ ਗਿਆ। ਰਿਪੋਰਟਾਂ ਅਨੁਸਾਰ ਵਿਅਕਤੀ ਦਾ ਨਾਮ ਰੋਨਾਲਡ ਚੰਦ ਸੀ ਜੋ ਸਾਂਤਾ ਅਨਾ ਦਾ ਰਹਿਣ ਵਾਲਾ ਸੀ, ਜੋ ਕਿ 30 ਸਾਲ ਦਾ ਵਿਅਕਤੀ ਸੀ। ਇਹ ਘਟਨਾ 14 ਮਾਰਚ ਦੀ ਸਵੇਰ ਨੂੰ ਵਾਪਰੀ ਜਦੋਂ ਧਾਲੀਵਾਲ ਨੇ ਵਿਅਕਤੀ ਨੂੰ ਹਥਿਆਰਾਂ ਨਾਲ ਲੈਸ ਦੇਖਿਆ।
ਅਮਨ ਨੇ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਕਿ “ਉਹ ਅਜੀਬ ਸੀ। ਮੈਂ ਉਸਨੂੰ ਦੇਖਿਆ ਅਤੇ ਉਸਦੇ ਨੇੜੇ ਕਰ ਪਾਰਕ ਨਾ ਕਰਨ ਦਾ ਫੈਸਲਾ ਕੀਤਾ। ਮੈਂ ਕਾਰ ਵਿੱਚ ਆਪਣੀ ਜਿਮ ਦੀ ਤਿਆਰੀ ਕਰਨੀ ਸ਼ੁਰੂ ਕਰ ਦਿੱਤੀ। ਜਲਦੀ ਹੀ, ਉਸਨੇ ਪਿਛਲੇ ਖੱਬੇ ਪਾਸੇ ਦੀ ਖਿੜਕੀ ਤੋੜ ਦਿੱਤੀ। ਜਿਵੇਂ ਹੀ ਮੈਂ ਬਿਨਾਂ ਜੁੱਤੀ ਦੇ ਕਾਰ ਤੋਂ ਬਾਹਰ ਆਇਆ, ਉਸਨੇ ਮੇਰੇ ‘ਤੇ ਕੁਹਾੜੀ ਨਾਲ ਵਾਰ ਕਰ ਦਿੱਤਾ। ਮੈਂ ਉਸ ਨੂੰ ਪੁੱਛਿਆ ਕਿ ਤੁਸੀਂ ਮੇਰੇ ‘ਤੇ ਹਮਲਾ ਕਿਉਂ ਕਰ ਰਹੇ ਹੋ? ਇਸ ਤੋਂ ਪਹਿਲਾਂ ਕਿ ਮੈਂ ਕੁਝ ਸਮਝ ਪਾਉਂਦਾ, ਉਸਨੇ ਹਿੰਦੀ ਵਿੱਚ ਕੁਝ ਕਿਹਾ: ਜੈ ਮਾਤਾ ਦੀ। ਮੈਂ ਇਸ ਨੂੰ ਕਿਸੇ ਵੀ ਤਰ੍ਹਾਂ ਦੇ ਹਿੰਦੂ ਵਰਸਿਸ ਕੁੱਝ ਨਹੀਂ ਬਣਾਉਣਾ ਚਾਹੁੰਦਾ ਸੀ “‘ ਧਾਲੀਵਾਲ ਨੇ ਕਿਹਾ l
ਇਹ ਉਹ ਪਲ ਸੀ, ਜਿਵੇਂ ਕਿ ਅਮਨ ਸਾਂਝਾ ਕਰਦੇ ਹਨ, ਜਦੋਂ ਓਹਨਾਂ ਨੂੰ ਅਹਿਸਾਸ ਹੋਇਆ ਕਿ ਉਹ ਆਦਮੀ ਭਾਰਤੀ ਹੈ। “ਮੇਰਾ ਇਰਾਦਾ ਉਸ ਨੂੰ ਇਹ ਕਰਨ ਤੋਂ ਰੋਕਣਾ ਸੀ। ਭਾਵੇਂ ਉਹ ਸਾਈਕੋ ਹੈ, ਉਹ ਭਾਰਤੀ ਹੈ। ਜੇਕਰ ਉਹ ਕਿਸੇ ਹੋਰ ਨੂੰ ਜ਼ਖਮੀ ਕਰਨ ਲਈ ਜਾਂਦਾ ਹੈ, ਤਾਂ ਸੰਦੇਸ਼ ਜਾਵੇਗਾ: ‘ਇਕ ਭਾਰਤੀ ਵਿਅਕਤੀ ਨੇ ਕਤਲੇਆਮ ਕੀਤਾ ਅਤੇ ਇੱਥੇ ਬਹੁਤ ਸਾਰੇ ਲੋਕਾਂ ਨੂੰ ਮਾਰ ਦਿੱਤਾ’। ਇਹ ਅਮਰੀਕਾ ਵਿੱਚ ਰਹਿ ਰਹੇ ਭਾਰਤੀਆਂ ਲਈ ਇੱਕ ਨਕਾਰਾਤਮਕ ਸੰਦੇਸ਼ ਹੋਵੇਗਾ। ਆਪਣੇ ਹਿੰਦੁਸਤਾਨ ਦੇ ਨਾਮ ਦੀ ਰਾਖੀ ਕਰਨ ਦੇ ਵਿਚਾਰ ਨੇ ਮੈਨੂੰ ਵਾਪਸ ਲੜਨ ਦੀ ਹਿੰਮਤ ਦਿੱਤੀ, ”ਧਾਲੀਵਾਲ ਸ਼ੇਅਰ ਕਰਦਾ ਹੈ।
ਧਾਲੀਵਾਲੀ ਦੇ ਹੱਥ, ਗਰਦਨ ਅਤੇ ਧੜ ‘ਤੇ ਸੱਟਾਂ ਲੱਗੀਆਂ ਹਨ। ਉਹਨਾਂ ਦੇ ਹੱਥ ਵਿੱਚ 13 ਟਾਂਕੇ, ਗਲੇ ਵਿੱਚ 13 ਅਤੇ ਛਾਤੀ ਦੇ ਨੇੜੇ ਕੁਝ ਟਾਂਕੇ ਲੱਗੇ ਹਨ । “ਮੈਨੂੰ ਵਿਸ਼ਵਾਸ ਹੈ ਕਿ ਰੱਬ ਨੇ ਮੈਨੂੰ ਬਚਾਇਆ, ਇੰਨੇ ਖੂਨ ਦੇ ਨੁਕਸਾਨ ਦੇ ਬਾਵਜੂਦ, ਮੈਂ ਖੜ੍ਹਾ ਹੋਣ ਦੇ ਯੋਗ ਸੀ,” ਅਮਨ ਨੇ ਦੱਸਿਆ l ਅਮਨ ਨੇ ਅੱਗੇ ਦੱਸਿਆ “ ਉਹ ਮੈਨੂੰ ਆਪਣੇ ਸਿਆਸੀ ਏਜੰਡਿਆਂ ਲਈ ਵਰਤ ਰਿਹਾ ਸੀ – ਇੱਥੇ ਪੰਜਾਬੀ ਬਨਾਮ ਹਿੰਦੂਆਂ ਵਿਚਕਾਰ ਨਫ਼ਰਤੀ ਅਪਰਾਧ ਫੈਲਾਉਣ ਲਈ । ਮੈਂ ਉਸ ਗੇਮ ਦਾ ਹਿੱਸਾ ਨਹੀਂ ਹਾਂ। ਉਹ ਇੱਕ ਸਈਕੋ ਸੀ ਪਰ ਨਾਲ ਹੀ ਉਹ ਚੰਗੀ ਤਰ੍ਹਾਂ ਸਿਖਲਾਈ ਪ੍ਰਾਪਤ ਸੀ। ਉਹ ਮੇਰੇ ਨਾਲ ਹਿੰਦੀ ਵਿੱਚ ਗੱਲ ਕਰ ਰਿਹਾ ਸੀ ਪਰ ਅੰਦਰ ਜਾ ਕੇ ਅੰਗਰੇਜ਼ੀ ਬੋਲਣ ਲੱਗਾ। ਅਤੇ ਮੈਂ ਉਸ ਵਿਅਕਤੀ ਨੂੰ ਕਦੇ ਨਹੀਂ ਮਿਲਿਆ, ”l ਅਮਨ ਨੇ ਇਹ ਵੀ ਖੁਲਾਸਾ ਕੀਤਾ ਕਿ ਚੰਦ ਹਿਰਾਸਤ ਵਿੱਚ ਹੈ, ਹਾਲਾਂਕਿ, ਉਸਦੇ ਰਿਸ਼ਤੇਦਾਰਾਂ ਵਿੱਚੋਂ ਕਿਸੇ ਨੇ ਵੀ ਜ਼ਮਾਨਤ ਲਈ ਅਰਜ਼ੀ ਨਹੀਂ ਦਿੱਤੀ ਹੈ। “ਉਹ ਪੁਲਿਸ ਨਾਲ ਸਹਿਯੋਗ ਨਹੀਂ ਕਰ ਰਿਹਾ,” ਉਹ ਅੱਗੇ ਕਹਿੰਦਾ ਹੈ।ਤੁਹਾਨੂੰ ਦੱਸ ਦਈਏ ਕਿ ਅਮਨ ਫਿਲਹਾਲ ਸਥਿਰ ਹੈ ਅਤੇ ਹਾਲਾਂਕਿ ਉਸ ਨੂੰ ਕਈ ਸੱਟਾਂ ਲੱਗੀਆਂ ਹਨ।
