| 18 ਮਈ 2022 | ਨੀਰੂ ਬਾਜਵਾ ਐਂਟਰਟੇਨਮੈਂਟ ਅਤੇ ਟੌਪਨੋਚ ਸਟੂਡੀਓਜ਼ ਯੂ. ਕੇ. 20 ਮਈ 2022 ਨੂੰ ਰਿਲੀਜ਼ ਹੋਣ ਵਾਲੀ ਕੋਕਾ ਦੇ ਨਾਲ ਇੱਕ ਆਧੁਨਿਕ ਯੁੱਗ ਦਾ ਰੋਮਾਂਸ ਲਿਆਉਣ ਲਈ ਪੂਰੀ ਤਰ੍ਹਾਂ ਤਿਆਰ ਹਨ। ਫਿਲਮ ਦੀ ਕਹਾਣੀ ਰੁਪਿੰਦਰ ਇੰਦਰਜੀਤ ਦੁਆਰਾ ਲਿਖੀ ਗਈ ਹੈ, ਜਿਸਦਾ ਨਿਰਦੇਸ਼ਣ ਸੰਤੋਸ਼ ਸੁਭਾਸ਼ ਥੀਟੇ ਅਤੇ ਭਾਨੁ ਠਾਕੁਰ ਦੁਆਰਾ ਕੀਤਾ ਗਿਆ ਹੈ। ਬਿਊਟੀ ਕੁਈਨ, ਨੀਰੂ ਬਾਜਵਾ ਇੰਡਸਟਰੀ ਦੇ ਡੈਸ਼ਿੰਗ ਅਭਿਨੇਤਾ, ਗੁਰਨਾਮ ਭੁੱਲਰ ਨਾਲ ਇੱਕ ਦਿਲਚਸਪ ਪ੍ਰੇਮ ਕਹਾਣੀ ਵਿੱਚ ਇਕੱਠੇ ਹੋਏ ਹਨ।
ਫਿਲਮ ਦੀ ਕਹਾਣੀ ਇਸ ਤਰ੍ਹਾਂ ਹੈ ਕਿ ਗੁਰਨਾਮ ਭੁੱਲਰ ਦੁਆਰਾ ਨਿਭਾਇਆ ਗਿਆ ਇੱਕ ਨੌਜਵਾਨ ਮੁੰਡਾ ਅਕਾਲ ਵਿਆਹ ਲਈ ‘ਕੋਕਾ’ ਕੁੜੀ ਦੀ ਤਲਾਸ਼ ਕਰ ਰਿਹਾ ਹੈ। ਦੂਜੇ ਪਾਸੇ, ਨੀਰੂ ਬਾਜਵਾ ਦੁਆਰਾ ਨਿਭਾਇਆ ਗਿਆ ਇੱਕ ਸਫਲ ਕੁੜੀ ਅਜੂਨੀ, ਜੋ ਕਿ 40 ਸਾਲ ਦੀ ਕੁਆਰੀ ਹੈ ਅਤੇ ਵਿਆਹ ਲਈ ਆਪਣਾ ਸੰਪੂਰਨ ਮੈਚ ਲੱਭਣ ਦੀ ਕੋਸ਼ਿਸ਼ ਕਰ ਰਹੀ ਹੈ। ਕਿਸਮਤ ਉਨ੍ਹਾਂ ਨੂੰ ਇਕੱਠਿਆਂ ਮਿਲਾਉਂਦੀ ਹੈ, ਅਤੇ ਉਹਨਾਂ ਦੇ ਵਿਚਕਾਰ ਇਹ ਉਮਰ ਦਾ ਫਾਸਲਾ ਸਾਰੇ ਸਮਾਜਿਕ ਦਬਾਵ ਨੂੰ ਟਾਲਦਾ ਨਜ਼ਰ ਆਉਂਦਾ ਹੈ।
ਫਿਲਮ ਦੇ ਨਿਰਦੇਸ਼ਕ ਸੰਤੋਸ਼ ਸੁਭਾਸ਼ ਥੀਟੇ ਨੂੰ ਪਹਿਲਾਂ ਪੰਜਾਬੀ ਇੰਡਸਟਰੀ ਵਿੱਚ ਗੈਰ-ਰਵਾਇਤੀ ਸੰਕਲਪਾਂ ‘ਤੇ ਕੰਮ ਕਰਨ ਲਈ ਕਾਫੀ ਸਫਲਤਾ ਮਿਲੀ ਹੈ। ਉਹ ਕੋਕਾ ਦੀ ਸ਼ੁਰੂਆਤੀ ਸਫਲਤਾ ਦੇ ਲਈ ਆਪਣੀ ਖੁਸ਼ੀ ਜਾਹਿਰ ਕਰਦੇ ਹੋਏ ਕਹਿੰਦੇ ਨੇ, “ਜਦੋਂ ਮੈਂ ਕੋਕਾ ਦੀ ਕਹਾਣੀ ਸੁਣੀ, ਤਾਂ ਮੈਨੂੰ ਤੁਰੰਤ ਪਤਾ ਲੱਗ ਗਿਆ ਕਿ ਫਿਲਮ ਆਪਣੇ ਵਿਲੱਖਣ ਵਿਸ਼ੇ ਦੇ ਕਾਰਨ ਸੁਰਖੀਆਂ ਵਿੱਚ ਰਹੇਗੀ। ਇਹ ਸੱਚਮੁੱਚ ਇੱਕ ਅਨੰਦਦਾਇਕ ਸਫ਼ਰ ਰਿਹਾ ਹੈ ਕਿਉਂਕਿ ਨੀਰੂ ਬਾਜਵਾ ਅਤੇ ਗੁਰਨਾਮ ਭੁੱਲਰ ਨਾਲ ਦੁਬਾਰਾ ਅਤੇ ਇਸ ਵਾਰ ਇਕੱਠੇ ਕੰਮ ਕਰਨਾ ਬਹੁਤ ਖੁਸ਼ੀ ਦੀ ਗੱਲ ਸੀ। ਮੈਨੂੰ ਯਕੀਨ ਹੈ ਕਿ ਦਰਸ਼ਕ ਸਾਡੀ ਮਿਹਨਤ ਦੀ ਪ੍ਰਸ਼ੰਸਾ ਕਰਨਗੇ।”
ਨੀਰੂ ਬਾਜਵਾ ਫਿਲਮ ਚ ਬਤੌਰ ਕਲਾਕਾਰ ਅਤੇ ਨਿਰਮਾਤਾ ਦੇ ਕਿਰਦਾਰ ਨੂੰ ਨਿਭਾਉਣ ਤੇ ਆਪਣਾ ਉਤਸ਼ਾਹ ਪ੍ਰਗਟ ਕਰਦੇ ਹੋਏ ਕਹਿੰਦੀ ਹੈ, “ਮੈਂ ਇੱਕ ਨਿਰਮਾਤਾ ਦੇ ਰੂਪ ਵਿੱਚ ਅਜਿਹੇ ਬੇਮਿਸਾਲ ਸੰਕਲਪ ਨਾਲ ਜੁੜ ਕੇ ਇਸਤੋਂ ਵੱਧ ਖੁਸ਼ ਨਹੀਂ ਹੋ ਸਕਦੀ। ਮੈਂ ਸ਼ੁਰੂ ਤੋਂ ਹੀ ਜਾਣਦੀ ਸੀ ਕਿ ਮੈਨੂੰ ਫਿਲਮ ਵਿੱਚ ਅਜੂਨੀ ਦਾ ਕਿਰਦਾਰ ਨਿਭਾਉਣਾ ਚਾਹੀਦਾ ਹੈ, ਕਿਉਂਕਿ ਇਹ ਪੰਜਾਬੀ ਇੰਡਸਟਰੀ ‘ਚ ਇਕ ਬਹੁਤ ਹੀ ਅਨੋਖਾ ਸੰਕਲਪ ਹੋਵੇਗਾ ਅਤੇ ਮੈਂ ਚਾਹੁੰਦੀ ਹਾਂ ਕਿ ਦਰਸ਼ਕ ਇਸ ਨੂੰ ਮਜ਼ੇਦਾਰ ਅਤੇ ਰੋਮਾਂਟਿਕ ਤਰੀਕੇ ਨਾਲ ਸਵੀਕਾਰ ਕਰਨ ਜਿਵੇਂ ਕਿ ਅਸੀਂ ਫਿਲਮ ਵਿਚ ਦਰਸਾਇਆ ਹੈ।
ਗੁਰਨਾਮ ਭੁੱਲਰ ਇਸ ਤੱਥ ਨੂੰ ਲੈ ਕੇ ਉਤਸ਼ਾਹਿਤ ਹਨ ਕਿ ਉਹ ਨੀਰੂ ਬਾਜਵਾ ਨਾਲ ਸਕਰੀਨ ਸ਼ੇਅਰ ਕਰ ਰਹੇ ਹਨ, “ਮੈਨੂੰ ਲੱਗਦਾ ਹੈ ਕਿ ‘ਕੋਕਾ’ ਫਿਲਮ ਨੂੰ ਦੇਖ ਕੇ ਲੋਕ ਆਪਣੀ ਮਾਨਸਿਕਤਾ ਅਤੇ ਉਮਰ ਸੰਬੰਧੀ ਆਪਣੀ ਰਾਇ ਨੂੰ ਬਦਲਣ ਕਿਉਂਕਿ ਉਮਰ ਸਿਰਫ ਇਕ ਨੰਬਰ ਹੈ। ਜੇ ਕਿਸੇ ਲਈ ਤੁਹਾਡਾ ਪਿਆਰ ਸੱਚਾ ਹੈ, ਤਾਂ ਹੋਰ ਕੁਝ ਵੀ ਮਾਇਨੇ ਨਹੀਂ ਰੱਖਦਾ। ਮੈਂ ਹਮੇਸ਼ਾ ਪੰਜਾਬੀ ਸਿਨੇਮਾ ਵਿੱਚ ਅਸਾਧਾਰਨ ਪ੍ਰੋਜੈਕਟ ਕਰਨ ਦੀ ਕੋਸ਼ਿਸ਼ ਕਰਦਾ ਹਾਂ, ਤਾਂ ਜੋ ਮੈਂ ਹਮੇਸ਼ਾ ਦਰਸ਼ਕਾਂ ਨੂੰ ਕੁਝ ਨਵਾਂ ਪ੍ਰਦਾਨ ਕਰ ਸਕਾਂ।”
ਫਿਲਮ ‘ਕੋਕਾ’ ਹੋਵੇਗੀ ਦੁਨੀਆਭਰ ਦੇ ਸਿਨੇਮਾਘਰਾਂ ‘ਚ 20 ਮਈ ਨੂੰ ਰਿਲੀਜ਼